Muxbir Xəbəri müxbirdən alın!
Bunlara da bax
İnfeksiyaya özünün mobil telefonundan yoluxmaq riskini istisna etmək üçün qurğunu yaxşıca dezinfeksiya etmək lazımdır, lakin bu zaman bəzi qaydalara riayət edilməlidir.
Muxbir.az xəbər verir ki, mütəxəssislər mobil telefonu təmizləmək üçün ilk növbədə etil spirtindən, hidrogen peroksidindən və ya natrium hipoxloritindən istifadə etməyi məsləhət görmürlər. Bu məhlullar ekranın disleyinə ciddi zərər vura bilər. Bunun əvəzinə ekspertlər qurğunu parçanı adi sabunlu suda isladaraq silməyi məsləhət görürlər. Smartfonu bu yolla təmizləməyi məhz “Google” və “Apple” mütəxəssisləri tövsiyə edirlər, lakin onlar qeyd edirlər bu üsul virusların tam məhv edilməsinə zəmanət vermir.
Mikrobioloq Çarlz Herba “Health” jurnalında bildirir ki, qurğular spirtin və suyun 40% və 60% nisbətində olan məhlulunda isladılmış salfetlə silinməlidir.
Digər üsul olaraq, smartfon ekranının üstünə qoruyucu lent və ya şüşə yapışdıraraq, onu daha güclü məhlulla silmək olar. Zamanla isə bu örtüyü dəyişmək olar.
