İSTİ-İSTİ

“Sərt karantin rejiminin tətbiqi vacibdir” -İnfeksionist

“Koronavirusa yoluxma sayı yanvar-fevral ayına qədər pik həddə çatacaq”.

Muxbir.az xəbər verir ki, bunu TƏBİB-in İnfeksion xəstəliklər üzrə İşçi qrupunun üzvü Natiq Əliyev deyib.

O bildirib ki, bu dönəmdə bakterial infeksiyaların işə qarışması ilə immun sistemini çökdürməsi nəticəsində COVID-in də ortaya çıxması halları ilə rastlaşırıq: “Ona görə həmin vaxt koronavirus yoluxma sayının pik həddə çatacağını düşünürük. Say olaraq rəqəm demək qeyri-mümkündür. Karantin qaydalarına əməl olunmazsa, bu rəqəm indiki sayın 2-3 qatına qədər arta bilər”.

İnfeksionist qeyd edib ki, Azərbaycanda da koronavirusa təkrar yoluxma halları var: “Koronavirusa yenidən yoluxma halları var. Bu hal mümkündür. Hazırda bizdə də bu hallar öz təsdiqini tapır. Düşünürəm ki, sərt karantin rejiminə keçilməsi arzuolunandır. Çünki dinamik göstəriciləri ələ almaq üçün sərt karantin rejiminə gedilməsi vacibdir”.

Əliyev bildirib ki, koronavirusdan ölən insanlarda səbəblər müxtəlif olur: “Bunlardan ən əsası miakard infarktı, digər xroniki xəstəliklərlə bağlı ürək-ağciyər çatışmazlığı ola bilər. Bu hallarla rastlaşırıq. Hazırda koronavirusdan daha çox yaşlı insanlar vəfat edir. Amma bu, cavanlarda ölüm halı olmur demək deyil”. (apa)

Haqqında muxbir.az

Bunlara da bax

İlham Əliyev və Mehriban Əliyeva Şuşa Realnı Məktəbinin dağıdılmış binası ilə tanış olublar

Şuşaya səfər zamanı Prezident İlham Əliyev, birinci xanım Mehriban Əliyeva və qızları Leyla Əliyeva erməni …

Bir cevap yazın

E-posta hesabınız yayımlanmayacak.